مهمة اللبس السوبر120 بالصور

المتطلبات فى المهمة 
1 ميتور وبس 
اللى يقولك ايرث توكن وسكاى توكن وموش عارف ايه دى عالم دماغتها تعبانه فكك منهم هو واحد ميتور بس عشان تاخد بيه الباور بوك 
والاهم انك تكون ليفل 120 ياحاج 

وهنبد المهمة بأننا نروح ناخد المهمة من عند الراجل فى الجوب سنتر واسم المهمه والراجل اهم 
بالصور طبعا 

هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 634x535 .

بعد ما ناخد المهمه هنروح على خارج الجوب سنتر فى التوين سيتى عند الراجل اللى اسمه اولد بيجر وبالانجليزى اهوoldbeggar عشان ناخد منه حاجه اسمها باور بوك والراجل ده شكل الراجل بتاع البنك بالظبط وطبعا هتلاقيه فى الاحدثيات دى (236-389) وهيديلك اختيارين ودى صورتو 

هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 680x437 .

زى ما قولنا هتكلمه عشان يديلك الباور بوك ولازم يكون معاك الميتور هنا 
ودى صورة الباور بوك 

هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 680x399 .

هتختار اول اختيار من على الشمال اللى هو please help me get بعد ما تختار الاختيار ده 
بعد كده مباشرة الراجل هتكلمه مره تانيه هيجيلك اختيارين تانيين هتدوس على انتر ذا تريال كيف enter the trial caveهتلاقى نفسك دخلت كهف زى بتاع المينى كيف اللى فى الديزرت او فى الفونكس كاستل 
فى وحوش المطلوب منك انك تموت نوعين من الوحوش ودول هتلاقيهم اول ما تدخل النوع الاول هتموت منه 20 وحش منهم والوحوش دى اسمها 
Slinger Lv101 ودى صورتها 

هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 680x457 .

ولما تنتهى منهم بيظهرلك حاجه زى ضوء اصفر زى اللى كنا بنشوفه على العواميد لما كنا بنعمل مهمة الفان السوبر لو نفتكر على العواميد الاربعه فى مدينة البيرد مان bird man وطبعا هيديلك رساله يقولك انت كده فى السليم خلصتهم ويطلب منك انك تستكمل ده فى نمط قتل الوحوش ودى صورة الكلام ده 



هتكمل قتل لكن موش فى دول احنا قولنا مطلوب نوعين يبأه هتدخل النوع التانى اللى موجود فى نفس المكان ومطلوب انك تموت منه 10 بس ودا اسمه 
gold ghost Lv 108 بس فى شرط انك تموت الوحوش دى وانت لامس ماسه او جوهرة لونها اصفر بمعنى انك تسحب الوحوش وتقف على الجوهره وهما يجو عليك وتموتهم وانت جنبها والكهف فيه 3 جواهر او ماسات فى 3 اماكن وهما (23-77) والتانى هو (136-102) والتالت هو (104-146) ودى صورة الماسه او الجوهره 



لو فرضنا وانت بأه يابرنسيس معملتش كده طبعا الوحش اللى هتموته بعيد عن الجوهره موش هيتحسب من ضمن العشره المطلوبين ياريسى واحد يقولى طب وهعرف منين اقولك انا اذا فكرت تموت وحش بعيد عن الجوهره كل ما تموت واحد فيهم هتظهرلك رساله مكتوب فيها انك لازم تموتها فى مكان من الاماكن التلاته اللى قولنا عنهم دول (23 -77) , (136-102) , (104-146) وصورتها ومعناها ومضمونها فى الصوره دى 

هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 648x425 .

وانا فى الصوره كمان محددلك على ظهور عدد الوحوش اللى قتلتها اتنين من العشره المطلوبين يعنى كده عندك طريقتين تعرف بيهم انت موت كام وحش دلوقتى بعد ما تنتهى من انك تموت العشره وانت لامس الماسه او الجوهره زى ما قولنا هتظهر ليك رساله بردوا توضحلك ان انت موت ال 10 وخوش بردوا هيظهر اللون الاصفر على الشاشه وهيوضحلك ان انت بكده موت العشر وحوش موش لازم نصور كل شويه احنا موش فاضيين للصور 

المهم ياساحبى انت وهو تفتكر خلص الموضوع على كده  
لا طبعا لازم يبضيو علينا 
هيبدأ يطلب منك انك تموت من نوعين الوحوش هما هما اللى موتناهم قبل كده كل نوع 15 وحش وبتكون جاهز على انك مموت واحد من كل نوع بيشتغلونا يعنى 
المهم احنا نعمل نفسنا عبط ونكمل ايزى والمره دى بدون شروط او قيود يعنى ايه ياخال 
يعنى موش مطلوب انك تلمس ماسه ولا حتى اناناسه المهم تموت 15 من كل وحش ودى الصوره 




بعد ما نموتهم هتظهر لنا رساله كالمعتاد تقول لنا ان احنا خلصنا المطلوب هيبدأ يطلب مننا حاجه جديده !!! بيض بيض يعنى 

المهم ياترى ايه هى الحاجه دى ؟؟؟؟!!!! 

هيطلب منك ان انت تموت وحشين 2 من نوع اسمه بلادينج وبالعنجليزى Bladeling lv110 
ودول عشان توصل لهم هما فى المرحله التانيه من الكهف ولازم تدخلها من السلم اللى فى اخر الكهف خالص تحت على اقصى شمال الخريطه فى احداثيات (156-110) ودا بشرط انك تموت كل وحش فيهم خلال 10 ثوانى ودى صورتها 

هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 680x577 .

بعد الدخول مباشرة هتلاقى نوعين من الوحوش المطلوب دلوقتى هى الوحوش اللى اسمها Bladeling lv110 زى ما قولنا ودى هنموت منها اتنين بس بقول مره تانيه اهو ودول شكلهم زى زى الوحوش اللى فى الديزرت اللى اسمها بلاد جوست ودى صورتهم 

هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 645x378 .

بعد ما ننتهى من قتل الوحشين كل وحش فيهم فى خلال 10 ثوانى زى ما قولنا قبل الصوره عشان الناس اللى عندها زهايمر 
ندخل على اللى بعد كده وركز معايا اوى ياخال 

هيطلب منك حاجه اسمها TeethMark ودى معناها سنة او بصمة اسنان يعنى ودى هنلاقيها من خلال اننا نموت الوحوش اللى شكل الفران او شكل الفاير رات اللى بيكونو فى الفونكس كاستل ودول فى نفس المكان اللى احنا موجودين فيه بردوا واسمهم AgileRat lv112 ودى صورتهم 

هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 639x414 .

الوحوش دى اللى شوفنا صورتها هنفضل نموت فيهم لحد ما تظهر لنا حاجه شكل السنه فى الباجه او الايتمز بتاعنا اسمهاTeethMark ودى صورتها 

هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 615x408 .

بعد ما تجيب السنه دى اللى هى اسمها TeethMark هتضغط عليها كليك يمين لحد ما يقولك انه تم ويطلب منك المرحله اللى بعد كده وهى انك تموت من نوعين الوحوش اللى فى المكان ده كل واحد فيهم 10 وحوش وبدون شروط وزى ما احنا عارفين طبعا ان النوعين اللى انا اقصدهم هما AgileRat lv112 و Bladeling lv110 كل واحد كام ياسطى ؟؟؟ 10 يابا الحاج 
ودى صورة الطلب اهو ومعاه الوحوش مره تانيه عشان برود الناس اللى بتنسى 



طيب دلوقتى احنا موتناهم وظهرت لنا الرساله اللى بتقول ان احنا موتنا ال10 وحوش من كل نوع 
بعد كده هندخل على المرحلة التالته من المهمه الجميله بتاعتنا دى اللى انا شخصياً حبتها لدرجة اتبضنت منها وحاسس ان البيض نزل تحت الكرسى 
ماعلينا 

هيطلب مننا اننا نموت وحوش اسمها Blue Bird lv 115 ودى 
زى ما قولنا هندخل على المرحله التالته وزى ما دخلنا للمرحله التانيه من السلم هندخل بردوا للمرحله التالته من السلم بردوا تحت خالص فى اخر الخريطه عند احداثيات (161-120) ودى شكل السلم بردو اللى هندخل منه عشان محدش يقول ان انا ببخل عليكو بأى صور 

هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 604x531 .

بعد لما ندخل على طول هنلاقى وحوش البلو بيرد دى تحت واسمها تانى اهو بالعنجليزى Blue Bird lv 115 والمطلوب ايه بأه يابرنسيس ؟؟؟؟ المطلوب انك تموت وحشين ودى صورة الوحوش دى اهى عشان نكون عارفنها بردو 




بعد ما تنتهى من انك تموت الوحوش دى هيطلب منك تجبله حاجه شكل الجناح كده اسمها 
Fiend Bat Wing ودى هتجبها لما تموت فى الوحوش التانيه اللى فى نفس المكان واللى شكل وحوش التومبات الزرقه واللى اسمها Fiend Bat lv 117 ودى صورتها 





بعد ما تموتهم زى ما قولنا هيظهر ليك الحاجه اللى احنا عاوزنها منهم اللى اسمها Fiend Bat Wing واللى المفروض انها شكل الجناح ودى صورتها 




بعد ما ناخد الجناح فى داخل الكهف اللى احنا موجودين فيه هنلاقى نار وتحديدا اكثر موجوده فى الاحداثيات دى (067 -101) هتلاقى النار هتقف فى النار دى عشان تسوى الجناح وتاكله عشان يبأه عندك باور ياحاج 
ودى صورة النار اللى بنتكلم عنها 




بعد ما تقف فى النار شويه هيجيالك رساله معناها ان الجناح او اللحمه اللى معاك خلاص اكتمل طهيها او تسويتها يعنى وفيها اختيار هتدوس على يس وبعد كده تفتح الباجه او الايتمز اللى معاك وتدوس على الجناح اللى انت اخدته اللى اسمه Fiend Bat Wing كليك يمين بس خد بالك هيكون اتغير اسمه لـــ Roasted Fiend Bat Wing هتدوس عليه زى ما قولت لك كليك يمين مهم جدا انك تقف فى نص النار ومهم جدا ان تظهرلك الرساله انه اتعمل صح واسمه اتغير ومهم جدا جدا انك تفهم انه لو باظ هتروح تجيب واحد تانى وتالت ورابع وتعمله مره واتنين وتلاته عادى جدا مفيهاش حاجه 
والاهم انك تعرف ان المهمة موش هتبقى باظت لو متعملش من اول مره وغالبا هيحصل ده 
موش تقول باظت المهم اذا الويل لهم جميعا وبتاع وكلام نعناع والحركات دى 
حاول مره واتنين وتلاته يابرنس 


=========

بعد كده هيطلب منك ان انت تموت من كل نوع من النوعين اللى احنا فيهم دلوقتى خمسه اللى هما اساميهم Fiend Bat lv 117 , Blue Bird lv 115 كل واحد من الاتنين دول هنموت منه 5 وحوش ودى صورتهم 

هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 643x354 .

بعد ما تموتهم هيطلب منك ريشه واسمها Blue Bird Plume هترجع تانى تموت فى الوحوش اللى هى Blue Bird lv 115 عشان تجيب منهم الريشه المطلوبه هتفضل تموت لحد ما تجيبها وغالبا هتظهرلك فى اول وحش يعنى  

ودى صورة الريشة Blue Bird Plume




وكفى الله المؤمنين شر القتال وربنا يكرم ونخلص عشان الدوالى 


وكده ننتهى من المرحله دى  شوفتو السرعه القاسيه 


ندخل بعد كده فى المرحله اللى بعدها ودى هيكون مطلوب فيها انك تقتل فى وحوش اسمها 
Minotaur L120's Body والمفروض تموت منهم 10 وحوش 
وهندخل من السلم اللى فى اخر الخريطه تحت خالص على الشمال كالمعتاد 
ان شاء الله ودا هتلاقيه فى الاحدثيات دى (157-116) ان شاء الله 
وافتكر مافيش داعى للتصوير اتعودنا على كده واول ما تنزل مباشرة هتلاقى الوحوش المطلوبه ان شاء الله واللى هى شكل الوحوش اللى بتكون فى الماستك كاستل فى الديزرت اللى شكل الخرفان وعندها قرون دى اللى كان اسمها بلو مونستر لو نفتكر او التيران دى اى كان اسم ابو اللى خلفوها ركزو معايا يارجاله المفروض ان انت تموت الوحوش دى بأستخدام الريشه اللى معانا فى خلال وقت 3 ثوانى تكون موت الوحش ازاى دا باه ؟؟؟؟ 

انا اقولك ياريس ازاى انت تضرب الوحش من دول لما تعدم امه من الضرب ويكون دمه واقف على ضربه واحده منك وبعدين تفتح الايتمز بتاعك او الباجه وتظرف الريشه كليك يمين 
وتموته هتظهر حواليك نار على شكل دايره ورساله بتقولك ان انت كده تمام انتهيت من اول وحش لحد ما تنتهى من ال10وحوش ودى صورة الوحوش اللى بنتكلم عنها كل ده 

هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 680x430 .

بعد ما تنتهى من قتل العشر وحوش هتكون كده خلاص انتهيت من المهمه كاملة هترجع تانى لمدينة التاوين سيتى للراجل اللى بدأنا من عنده المهمه الواطى اللى دخلنا الكهف ده لحد ما دوخ اهلينا معاه لو نفتكر اللى كنا بنقول عنه اللى شكل بتاع البنك واللى كان واقف عند احدثيات كام يابرنسيس انت وهو ؟؟؟ (236-389) برافو عليك اساحبى وكان اسمه ايه ياسطى ؟ الله ينور فعلا اسمه Old Beggar هو ده الراجل المطلوب وصورته مره تانيه للناس اللى بتنســـــــــــــــى اهى 






بعد ما نننتهى من الكلام معاه هيقولك انت كده راجل محترم وزى الفل الله ينور عليك وزورونا كل سنة مره وبلاش تنسونا بالمره وحركات من دى هتقوله الله يخليك ياحاج دا بس من زوقك 
هيقولك وانا اللى كنت فاكرك من الشباب البيجى بيجى اللى بيروح ويجي قوله عيب عليك ياخال موش اى اى ولا زى زى هيقولك اشطـــه 
بعد كده هيقولك روح على الجوب سنتر عشان تاخد هديتك وهناخد بالنا هنا اننا لازم نختار اللبس السوبر الخاص بشخصيتنا موش اى لبس والسلام ودى صورة الهديه اهى 

هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 680x405 .

وبعد ما بندوس عليها كليك يمين ادى اللبس السوبر اهو عشان الناس اللى بتحب تتفرج علي شكل الحاجه السوبر كل مره دول هههههههههههههههههه دى صورة اللبس السوبر ليفل 120 



فاضل انك تنتهى انت كمان من المهمه 
ومبروك عليك اللبس السوبر ياجميل انت وهو مقدما ان شاء الله وهنتظر تعليقاتكم كلكم كالمعتاد على الشرح المره دى ورأيكم فيه وطلباتكم اذا كنتم تحبو شروحات تانيه ولا لا وعاوزين شروحات لمهمات من شرحى الخاص او لا وياترى الشرح عاجبكم ولا المره دى موش تمام هستنى تعليقاتكم كلكم ان شاء الله 

ملحوظه اخيره بالنسبه للناس اللى بتحط ردودها عن طريق الفيس بوك يا ريت تكون تعليقات بس 
والناس اللى محتاجه تطلب اى حاجه فى المهمه او الشرح ياريت يشرفونا بالتسجيل فى المنتدى ويحطو طلبهم فى رد عشان نقدر نرد عليهم بسرعه اول ما نشوف الرد ده لكن الفيس مبنقدرش نعرف فى وقتها 

بعتذر للجميع عن اى تقصير هيكون فى الشرح ده او كان فى الشروحات السابقه 


اسف لو كنت طولت عليكم فى الشرح 

استنونى فى شروحات تانيه قريب جدا ان شاء الله زى ما عودتكم