مهمة السلسة السوبر بالصور

السلام عليكم ورحمة الله تعالى وبركاته
نبدأ بسم الله الرحمن الرحيم

اول شئ هنروح ناخد المهمه من الجوب سنتر من عند الراجل اللى فى النص بتاع المهمات ده
محدش باه فاهملهم حاجه كل شويه يغيروا لما تعبوا قلبنا ما علينا المهمه اسمها

Family Feud

الكلمه ملهاش علاقه اساسا بالمهمه بس ما علينا

اول ما تاخد المهمه هتطير على البيرد وهتروح ع المكان ده

(686-549) هتلاقى هناك راجل اسمه فيلكس هههه ع اسم لعيب الكره ودا نيمه بالانجلش
felix معرفش ده تشابه اسماء ولا ايه ما علينا دا بتاخدها فى البيرد مان من عند البنك تاخد شمالك على طول بس اوعى تقع فى البحر 
ودى صورة الراجل





بعد ما تكلمه الراجل هيفضل طبعا يقولك المهمه خطره ولازم تكون راجل جامد وقد المهمه ويعملك فيها جمعه الشوان او رأفت الهجان ما علينا يعنى وخلاقة الكلام ان المهمه كلها عباره عن تجميه 5 انواع مختلفه من التوكن المهم الراجل هيقولك ساعدنى هتقوله اوكـ هيفرح بيك طبعا وهيديلك اكس بى جميل الكلام لحد هنا 

هيقولك انا عاوزك تجبلى ريد توكن red token ازاى هتجبهولو هيقولك موتلى فى وحوش بانتيد لفل 97 وادى اسمها Bandits L97 طبعا يقولك موت 50 وحش ومكانهم فى البيرد هنا (486-481) دا مكان الوحوش
ودى صورتهم وشكلهم اللى لونهم اخضر بس طبعا وكمان مكانهم ع الخريطة معلملك عليه انا ان شاء الله وكمان معلملك انك بكده فى المرحله التانيه من المهمة ودى الصورة

لما تموت ال50 وحش هيطلعلك الليدر بتاعهم برنس الليله اسمه Bandits Leader L97 طبعا انت موش محتاج وصايه هتموته هو كمان وادى صورته



طبعا بعد ما تموته هيديلك الريد تكون اللى احنا بنعمل كل ده عشانه طبعا اللى اتكلمنا عنه فى الاول ودى صورته




وهترجع تانى للمعلم فلكس اللى كنا عنده فى الاول بتاع البحر felix
هيروح يشكرنا ويدينا 100 سيلفر واكس بى كتير طبعا ربنا يكرمه يارب 

طبعا احنا ناس محترامين وعملنا له اللى هو عاوزه كله لكن هو معندوش دم هيقولك انا عاوز اطمن ان التوكن ده هيفضل معايا
ودى الصوره والدليل على كلامى والحوار اللى دار بينى وبينه



هنقوله طيب هتطمن ازاى ياعمنا هيقولك موتلى فى Bandit L98
وهتلى منهم indigo tokenطبعا دول فى نفس المكان مع الوحوش التانيه اللى هيا كانت بانتيد97 احنا فاكرينهم دول فى الصوره اللى فوق كنا بنموت الخضر دلوقتى هنموت اللى لونهم ازرق وشايلين رقم 98 وادى صورتهم 



بعد ما تموتلك بتاع 10 كده هيظهرلك رساله ومعاها توكن تانى زى الريد توكن اللى خدناه من التانيين المره اللى فاتت بس اسمه indigo token وهو ده اللى الراجل طالبه ودى صورة الرساله والتوكن كمان




طب تمام كده الحمد لله جبنا التوكن والحمد لله كله تمام لحد هنا نرجع بأه تانى للراجل بتاعنا عمو فيلكس اللى طلب مننا الحاجه دى فى البيرد مان زى ما قولنا جنب البحر 

هياخدها مننا ويشكرنا وكالعاده يدينا 100 سيلفر ومعاهم اكس بى ربنا يكرمه 


طبعا بردوا احنا كالعاده بنعمل اللى علينا فى كل مره لكن اللى معندوش دم هيفضل طول عمره معندوش دم وزى ما بنقول ديما ديل الكلب عمره ما ينعدل الراجل هيقولك عاوز منك خدمه كمان ياترى ايه هى

هيقولك عاوزك تموت 10 وحوش بانتديدز ودول فى مكان مختلف خالص
ودا طلبه بالانجلش 10 bandits وطبعا الصوره عشان محدش يقول كداب



ادى الحوار اللى دار مع ابن المفكوكه فليكس ده طب وبعدين فين بانتيدز دول
بعد ما توافق على طلبه هتظهرلك رساله تقولك ان مكانهم هنا
(316-567)

بعد ما تموت ال10 وحوش هيظهرلك الكبير بتاعهم تموت طبعا عشان تاخد منه البلاك توكن
اللى احنا بنعمل كل ده عشانه يامعلم اول ما تموته هتلاقى فى الايتمز معاك حاجه اسمها balck token ودى الصوره طبعا


نرجع تانى بالحاجه بتاعتنا للراجل اللى زهقنا من اول المهمه اللى اسمه فليكس ده وكالعاده موش هنسى اقولك خد بالك تقع فى البحر 

طبعا الراجل هيفرح بيك جدا وهيديلك 100 سيلفر تانيين واكسبى كمان ابسط ياعم محدش قدك لو حوشت اللى بيدهملك دول ممكن تجيب حته تو سوكت +12 

والراجل كالعاده معندوس ريحة الدم هيقعد يفتى شويه ويقولك انت بطل انت تاريخ انت المخبرين وانت الكمين الكلمتين اللى احنا حافظينهم دول وهيطلب طلب كمان ايه هو


هيقولك عاوزك تموتلى 10 من الوحوش دى Bandit Deliverers زى ما تكون حياة الراجل دى كلها موت انا خايف نزهق ونقتله هو فى الاخر
الوحوش دى بأه فى المكان ده (451-431) تحديداً هنلاقيها جنب الوحوش اللى كانت فوق بانتيد 97 و بانتيد 98 لونهم ازرق زى بانتيد 98 بس حجمهم اكبر هتلاقيهم فوق شويه عن التانيين وطبعا كلو بالصور عشان نقول هذا دليلاً قاطع ومعلملك على مكانها على الخريطه

هتموت العشره من دول هيظهرلك توكن جديد بردوا اسمه بيتش توكن هترجع لفليكس تديهوله
هيطلب طلب تانى هيقولك موتلى 10 وحوش من (Senior Bandits (317-573
ودول جنب تالت وحوش اللى هى كان اسمها Banditti
ودى صورة الوحوش ومكانها ع الخريطه متعلم كالعاده

هيظهرلك توكن تانى المره دى اسمه
secrelt token 
طبعا انا مصورتوش لا هو ولا التوكن اللى قبله عشان الموضوع ميكونش ممل على الفاضى
هتاخد التوكن وتجع تانى لفليكس
هياخده منك ويديلك زى كل مره 100 سيلفر واكس بى يابختك ياعم 
ركز بأه فى المرحله دى مهمه جد جدا
اقراها الاول كلها وبعدين نفزها احسن
الراجل فليكس ده